Óskhyggja óléttu konunnar

Ég er oft með rosa plön og yfirlýsingar - var t.d. búin að lofa öllum að kreppukróginn myndi mæta í þessari viku, viljugur eða óviljugur. Það var óþarflega mikil óskhyggja í mér. Í samráði við fæðingalækninn minn var ákveðið að gefa drengnum og náttúrunni smá séns til að hafa sína hentissemi. Það varð því úr að drengur verður sóttur í síðasta lagi 26. janúar EN... á morgun á samt að hreyfa við belgjum (ekki beljum), það er víst sæmileg aðferð við að koma krökkum á ferð. Mamma er líka mætt í bæinn til að nudda punkta og minn er að súpa á hindberjalaufste í gríð og erg með tilheyrandi klósettferðum. Mér leiðist að bíða.

Ég á afmæli á morgun... það gæti orðið stuð. Og ég verð 28 ára ekki 29!

Athugasemdir

[Elín Sigríður Grétarsdóttir, 15.1.2009 kl. 15:41]

er ekki náttúran dásamleg :) geymdu eitthvað af hindberjalufsute ef ég lendi í sömu stöðu pls 

[Ómar Ingi, 15.1.2009 kl. 16:44]

Þannig að barnið gæti dottið á morgun

[Kristborg Ingibergsdóttir, 16.1.2009 kl. 00:07]

Til hamingju með afmælið á morgun (ef ég skyldi gleyma að kíkja hér inn á morgun)   Gangi þér vel elskan.

[Hafrún Kr., 16.1.2009 kl. 16:57]

Til hamingju með afmælið :)