Borða fyrir tvo

Já - það er farþegi um borð í jarðarbúningnum mínum. Ég er í mannrækt.

Það er svolítið skrítið held ég fyrir ofætu að borða fyrir tvo. Venjuleg viðbrögð væru (og voru síðast) "jess, nú má ég vera feit í friði og ég þarf að borða mikið, enginn getur sagt neitt" - og mikið borðaði ég. Ég borðaði fyrir tvo, en það var fyrir tvo fullorðna karlmenn sem stunduðu líkamsrækt og unnu líkamlega erfiða vinnu - ekki konu í yfirþyngd og ófætt ungabarn.

Í dag er að borða fyrir tvo bara skynsamlegt mataræði, vigtað eftir mínum grunnþörfum plús öllu sem bætist við þegar maður er með farþega, sem er alls konar, en ekki samt á við það að maður sé með fullvaxinn karlmann inni í sér - ég þarf ekki amk. að borða fyrir hann þegar þannig stendur á ;)  Að borða fyrir tvo þýðir bara að ég sé að gera ráð fyrir því að ég þarf aðeins meiri orku akkúrat núna og uppfylla þá þörf - en ekki meira en það. Ég kvíði næstum því fyrir því að þetta verði búið og að ég þurfi aftur að fara að borða fyrir einn. En ég er bara á viku 16 enn sem komið er, þetta er ekkert alveg að verða búið.

Athugasemdir

[Ómar Ingi, 30.7.2008 kl. 11:15]

Congrats

[Helga Dóra, 30.7.2008 kl. 11:22]

Til hamingju með farþegann..... Spáðu í það að næringarfræðin segir að maður þurfi bara að bæta 300 kalorlíum við daginn sinn til að vera með nóg fyrir barnið...... Það er ekki einu sinni eitt snickers.... Það nær að vera 500 kaloríur.... Þetta er ótrúlegt.... Það ætti að kenna þetta í mæðraskoðununum..... Kannski er það gert og litla ofætan ég bara "heyrði" það ekki........

[Steinunn Ósk Steinarsdóttir, 30.7.2008 kl. 14:44]

til hamingju með farþegann ;)

[Hafrún Kr., 30.7.2008 kl. 18:09]

innilega til hamingju með bumbubúann ég er einmitt hálfnuð :)

[Sykurmolinn, 30.7.2008 kl. 18:10]

Innilega til hamingju

[Kristborg Ingibergsdóttir, 30.7.2008 kl. 19:02]

Til hamingju elsku dúllan mín. Þú ert svo sæt með litlu kúluna þína. Þú geislar :o)

[Elín Sigríður Grétarsdóttir, 30.7.2008 kl. 20:23]

fatta núna mannrækt ... ljóska