Inni í mér...

dansar brjálæðingur. Ég hef ekki fengið stundlegan frið fyrir spörkum í dag. Man ekki eftir að hafa fundið fyrir svona miklum tilfæringum inni í mér þegar ég gekk með dótturina, þá var fylgjudruslan framan á og dempaði allt. Núna er greinilega eitthvað annað uppi á teningnum því ég finn hverja einustu smáhreyfingu og snúninga og fékk eitt bylmingshögg í magann í dag líka. Það er stanslaust brölt í gangi og greinilega hress snáði að hafa það gott þarna.

Af mér er það annars að frétta að ég átti latann dag en fékk hingað sponsíu og við lásum saman í bókinni okkar góðu. Ég las reyndar svo mikið að ég fékk í hálsinn og er ekki enn búin að ná mér - sem er undarlegt í ljósi þess að ég tala almennt mjög mikið, svo ég held að ég sé barasta að verða lasin. Já og ég ánetjaðist bubbles á leikjanetinu - gjörsamlega ávanabindandi andskoti!

Athugasemdir

[Ómar Ingi, 25.8.2008 kl. 00:40]

Sigur Rós vifta inni þér

[Hafrún Kr., 25.8.2008 kl. 02:42]

hahaha ég er með fylgjuna framan á núna en seinast með dótturina þá var hún bara venjuleg og þá var mikið minna í gangi en núna.

Semsagt fylgjan framan á núna og ég held oft að strákurinn sé að reyna að komast út og ég þakka fyrir að fylgjan er fyrir framan annars væri þetta örugglega mikið meira.

[Helga Dóra, 25.8.2008 kl. 10:39]

Er snáði hjá þér líka? Þá hlýtur Ellan að koma með stúlkukind.... Man hvað mér fannst spörkun notaleg... Þangað til að það var eins og krakkinn myndi koma út, það gekk svo mikið á... 

Gangi þér vel með nýja sponsíu, vonandi talar hún ekki eins mikið og sumir

[Kristborg Ingibergsdóttir, 25.8.2008 kl. 18:16]

O ég man hvað mér fannst notalegt að finna hreyfingarnar.

Knús til ykkar.

[Sykurmolinn, 25.8.2008 kl. 22:40]

Gauralingarnir mínir voru miklir stuðboltar í móðurkviði, ég beið stundum eftir því að annar brytist út eða jafnvel bara báðir.  Takk fyrir fundinn í kvöld, frábært að hlusta á þig.  Takk fyrir að vigta og mæla

[Marilyn, 26.8.2008 kl. 00:34]

Nei HD við vitum ekki kynið - en við tölum alltaf um hann eða lillann í KK, bara svona gut-fealing ;)

Já mér finnst þetta voða notalegt líka, dóttirin hlýtur bara að hafa verið í sykurmóki og þess vegna hreyft sig svona lítið!