Hversu oft hef ég ekki...

neytt fíkniefna á almannafæri? Fíkniefni og fíkniefni - það ætti kannski að taka það fram í fréttinni að þarna hafi verið á ferðinni ólögleg fíkniefni. Ég veit ekki betur en að ég hafi margoft reykt og drukkið á almannafæri að ónefndum öllum skiptunum sem ég hef graðkað í mig ís eða sælgæti, jafnvel fyrir framan saklaus, áhrifagjörn ungmenni og barnið mitt.

Neytti fíkniefna á almannafæri

Athugasemdir

[Helgi Hrafn Gunnarsson (IP-tala skráð) 18.8.2008 kl. 11:03]

Nákvæmlega.

Merkilegt, þetta viðhorf að áfengi sé einhvern veginn ekki fíkniefni, eða ekki dóp. Það er sama hvað maður tekur fyrir sem slæmt við ólögleg fíkniefni... fíkn, geðveiki, dómgreindarskerðing, minnisskerðing, varanlegt líkamlegt og andlegt tjón og dauði. Áfengi veldur þessu alveg jafn mikið og í sama mæli og hvert annað dóp.

Ekki að ég sé á móti áfengi, bara kaldhæðnislegt að sjá hve fólk er hrætt við ólögleg vímuefni á meðan það er fullkomlega sátt við áfengið. 

[Helga Dóra, 18.8.2008 kl. 11:25]

Sammála.....

[Lilja Hrönn Helgadóttir (IP-tala skráð) 18.8.2008 kl. 11:45]

Mjög sammála.

Hvað þá með reykingar ? Sem að eru eflaust skaðlegri öðrum í umhverfinu en mörg ólögleg fíkniefni sem ekki er neytt í gegnum reyk.

Hvar er þessi lína, dóp eða ekki dóp ?

Lilja.
X.

[Guðrún Hafdís Bjarnadóttir, 18.8.2008 kl. 12:01]

Algjörlega sammála ykkur.....

[Ómar Ingi, 18.8.2008 kl. 12:09]

Það er ekki hægt að handtaka alla sem eru á ferli niður í bæ um helgar

[Lilja Hrönn Helgadóttir (IP-tala skráð) 18.8.2008 kl. 12:44]

Nei, það er rétt. En í ýmsum löndum er sektað fyrir að t.d. reykja fyrir utan afmörkuð svæði veit ég, svo líka fyrir að henda rusli, t.d. sígarettustubbum ekki í rusl eða sérgerðar tunnur fyrir stubba. Einnig fyrir drykkju á almannafæri.

Mér finnst skrítið að ekki sé takið harðar á svoleiðis hér á landi, og að yfir höfuð hendi fólk blygðunarlaust rusli út um allt.

Lilja.
X.