Hvaða dagur er eiginlega í dag?

Svona frídagur inni í miðri viku er náttúrulega bara rugl. Ég tók að mér vinnu síðasta fimmtudag þannig að ég á ekki að venjast svona fimmtudagsfríi og allan daginn leið mér eins og það væri föstudagur, laugardagur og aðallega sunnudagur. Í dag er ss. mánudagur hjá mér og búist er við enn meira rugli um helgina því svo verð ég í fríi á mánudaginn því ég er að fara austur á Höfn á Hornafirði á jarðarför.

Dagurinn í gær var líka svo týpískur sunnudagur, vinna daginn eftir, við kallinn þrifum alla glugga, fór með dótturina í sund og bara almenn kósíheit. Samt var fimmtudagur og ég er bara ekki enn búin að ná mér að hafa bara fengið eins dags helgi. 

Athugasemdir

[Ómar Ingi, 2.5.2008 kl. 17:14]

Það er góður dagur í dag Flöskudagur

[María, 3.5.2008 kl. 00:01]

Úff, hvað ég kannast við þetta, og ég er glöð að ég er ekki sú eina.  Það er merkilegt að einn dagur, geti verið fimmtudagur, laugardagur og sunnudagur. Og svo dagurinn í dag bæði mánudagur og föstudagur.  Maður er bara næstum því búinn með vikuna á 2 dögum. - Skrýtið.

[Helga Dóra, 3.5.2008 kl. 23:53]

Úff í dag er laugardagur og ég gleymdi að hringja í þig í gær og í dag.... Er samt búin að reyna að adda þér á msn ef ég man rétt fang.....

[Marilyn, 6.5.2008 kl. 10:57]

Allt í lagi

ég var ekkert heima - helgarplönin breyttust aðeins og ég gleymdi líka að láta þig vita ;)