Þessi með skrítnu hökuna

Ég hlustaði aldrei á NKOTB, var kannski aðeins of ung, og mér finnst þessi mynd af þeim ansi hallærisleg. Það hefur samt ekki komið í veg fyrir það að núna þegar fréttir af endurkomu þeirra hafa verið í algleymingi á Netinu hef ég velt hökunni á þessum þarna næst-lengst til vinstri alveg ótrúlega mikið fyrir mér, svo mikið reyndar að mig dreymdi hann um daginn og það engann venjulegan draum!

 

Ég var stödd á óræðum stað með einhverjum manni sem var að kynna fyrir mér starfssemi einhverrar stofnunar sem hafði það að markmiði að útskýra fyrir almenningi að HIV/AIDS smitaðist ekki með munnvatni. Hann kynnti mig fyrir "gaurnum með hökuna" sem reyndist vera með AIDS (ekki HIV) og bauð mér að fara í sleik við hann. Ég þverneitaði auðvitað og sagðist ekki kyssa aðra en kallinn minn þó vissulega væri vel boðið. Við spjölluðum svo alveg heillengi saman og hökugaurinn var í einhverjum voða egómínus og fannst hann ömurlegur og ég var að reyna að peppa hann upp því þetta reyndist allra vænsti gaur. Til að gera langa sögu stutta þá endaði með því að við fórum í sleik en ekki vegna neins ástarbríma, ó nei, við vorum að reyna að sleppa undan bófum!! Og það kom í ljós að hökugaurinn var með klofna tungu!

 

Þeir eru nú svolítið sætari núna finnst mér en hökugaurinn er enn þá með skrítna höku. Finnst hafa ræst best úr þessum dökkhærða næst lengst til vinstri á þessari mynd. 

New Kids on the Block snúa aftur

Athugasemdir

[H (IP-tala skráð) 8.4.2008 kl. 18:04]

Þessi með skrýtnu hökuna heitir Danny. Hinn heitir Jon og er mjög feiminn.

[Helga Dóra, 10.4.2008 kl. 17:30]

Donny Walberg (eða hvernig sem það er skrifað) Bróðir hans Mark Walberg.  Ég var að fíla þá sko. Elskaði Donny alltaf.....

[Marilyn, 11.4.2008 kl. 09:15]

Ég fíla Mark en ég er ekki að höndla Donny á þessum myndum, eitthvað sem böggar mig. En svei mér þá, hann er samt skástur á eldri myndinni, er viss um að ég hefði verið skotin í honum ef ég hefði eitthvað verið inni í þessu New Kids æði.