Skilaboð til sjálfrar mín

Þú ert ekki feit, þú ert ekki of þung, þú ert ekki að borða of mikið, þú ert ekki að borða of einhæft, þú ert ekki að fara á hausinn, allar áhyggjur heimsins hvíla ekki á þínum herðum og þú ert ekki ábyrg fyrir efnahag þjóðarinnar.

Þakklát fyrir þetta allt saman og svo miklu meira í viðbót. Svo gott að vera ekki upphaf og endir alls sem gerist í kringum mann - tala nú ekki um þegar hriktir í stoðunum. Mér finnst gott að fá að vera róleg. Ég hef ekki þurft að rjúka út í banka þótt ég eigi svolítið sparifé þar, ég hef ekki hamstrað bensín og þaðan af síður hef ég hamstrað mat. Það eina sem kom upp í hugann á mér varðandi skort á matvælum, verandi sveitastúlkan sem ég er, var hvort ég gæti fengið ávexti og verið í fráhaldi ef Ísland endaði alveg á kúpunni og þessi skortur kæmi sem talað hefur verið um. Svo mundi ég að jafnvel í eldgamladaga þegar fólk vissi ekki einu sinni hvað gjaldeyrisforði og gengisvísitala var fékk fólk samt epli á jólunum og mandarínur og hitt og þetta og við færumst víst ekki svo langt aftur í tímann þótt hér verði svolítil kreppa. Og ekki skortir mig ávextina fyrir morgundaginn eða næstu daga.

 

Athugasemdir

[Ómar Ingi, 7.10.2008 kl. 23:31]

Nóg af vatni ennþá

[Marilyn, 8.10.2008 kl. 00:19]

svo er það alltaf vatnið Ommi!

[Elín Sigríður Grétarsdóttir, 8.10.2008 kl. 08:17]

munum eftir systrum okkar í slóveníu sem rækta sitt eigið grænmeti til þess eins að geta verið í fráhaldi svo á ég líka frosin bláber ef þig vantar

[Helga Dóra, 8.10.2008 kl. 11:04]

Nákvæmlega.... Gætum lært fullt af þessum í Slóveníu... Það var sko blessun að fá að hitta þær í London.....

[Kristborg Ingibergsdóttir, 8.10.2008 kl. 16:53]

Getum lært mikið af þeim, tek undir það að maður hafði mjög gott af því að hitta þær í London. Verum bara í kærleika, það er best.

[Marilyn, 9.10.2008 kl. 08:59]

Vá... rækta sitt eigið.

Ég var einmitt að hugsa um það að ef allt færi hreinlega í gjaldþrot þá myndi ég bara flytja í sveitina og lifa af landinu. Gerast hálfgerður sjálfsþurftabóndi og rækta rosalega mikið af gulrótum og rófum hahahaha. Frosinn rabarbari og rifsber fyrir ávexti og svo náttúrulega berjamó á sumrin.

Heimaslátrað í matinn eða afurðir úr ógerilsneyddri kúamjólk. 

Verð að kaupa mér mjöööög stóra frystikistu!