Sjúkrahúsmatur

Er ég ein um að skilja ekki hvað þessi tilfæring hefur í för með sér fyrir venjulega borgara sem þurfa að leita til sjúkrastofnana?

Hvað um það... í dag er ég að fíla mig sem hálfgert tryggingastofnana-keis eða sjúkrahúsmat. Var að koma úr mæðraeftirliti þar sem ég var í alveg ótrúlega langan tíma. Fyrst hjá ljósmóður, svo í viðtali við lækni og svo í blóðprufu. Fékk hjá lækninum beiðni um sjúkraþjálfun því ég er með grindargliðnun (fyrir utan auðvitað að vera löggiltur vesalingur ;) og fæ tíma hjá sjúkraþjálfara á föstudaginn. Á morgun er ég svo að fara í viðtal hjá öðrum lækni vegna annars máls. Helst þyrfti ég líka að hitta húðsjúkdómafræðing því  mig klæjar svo ægilega í andlitið (líklega nýja andlitskremið mitt) og er með exem á puttanum. 

já svona hljómar sorgar-sjúkrasagan mín. Líklega ekkert svakaleg miðað við marga en það á ekki alveg við mig að vera í stanslausum heimsóknum hjá fagaðilum í heilbrigðisgeiranum, ég er nú ekki orðin þrítug einu sinni.  

Sjúkratryggingar í nýrri stofnun

Athugasemdir

[Helga Dóra, 1.10.2008 kl. 16:27]

Úff.... Með fullri virðingu og vinsemd, þá þekki ég nú nokkra með lengri lista en þetta Geð, giktar og bæklunarlæknar og sjúkraþjálfun eru núna á minni dagskrá núna. Fyrir utan allt annað.....

Þetta er óþolandi flakk endalaust þegar maður er svona "mingi með hor"

Svo meikar maður varla að fara að láta tékka á enn einum kvillanum.. Frestar því endalaust og versnar bara á meðan.... argarg.... 

[Hafrún Kr., 1.10.2008 kl. 17:14]

listinn úff hann er endalaus hér og það virðist bara bætast við hann.

[Kristborg Ingibergsdóttir, 1.10.2008 kl. 17:29]

Nei Vaka mín þú ert ekki ein um að skilja þetta ekki, ég botna ekkert í þessu batteríi :o)